ಬೆಂಗಳೂರು: ಸೇವೆ ಖಾಯಂ ಮಾಡುವ, ನೇರ ನೇಮಕಾತಿ, ಕನಿಷ್ಠ ವೇತನ ಸೇರಿದಂತೆ ಹತ್ತು ಹಲವು ಬೇಡಿಕೆಗಳನ್ನು ಸರ್ಕಾರ ಈಡೇರಿಸಿಲ್ಲ ಹೀಗಾಗಿ ಫೆ.24ರಂದು ಬೆಂಗಳೂರಿನಲ್ಲಿ ಉಗ್ರ ಹೋರಾಟ ನಡೆಸಲಾಗುತ್ತದೆ ಎಂದು ಕರ್ನಾಟಕ ರಾಜ್ಯ ಗುತ್ತಿಗೆ ಶುಶ್ರು ಷಾಧಿಕಾರಿಗಳ ಕ್ಷೇಮಾಭಿವೃದ್ಧಿ ಸಂಘದ ರಾಜ್ಯಾಧ್ಯಕ್ಷೆ ರಾಧ ಸುರೇಶ್ ಅವರು ಸರ್ಕಾರಕ್ಕೆ ಒತ್ತಾಯ ಮಾಡಿದರು.
ಪ್ರೆಸ್ ಕ್ಲಬ್ ನಲ್ಲಿ ಪತ್ರಿಕಾಗೋಷ್ಠಿ ನಡೆಸಿ ಮಾತನಾಡಿದ ಅವರು, ಸಂಘದ ಹಕ್ಕುಗಳನ್ನು ಈಡೇರಿಕೆಗೆ ಹಲವು ಭಾರಿ ಸರ್ಕಾರಕ್ಕೆ, ಸಚಿವರಿಗೆ, ಇಲಾಖ ಅಧಿಕಾರಿಗಳಿಗೆ ಮನವಿ ಮಾಡಿದ್ದೇವೆ ಆದರೆ ಈವರೆಗೆ ಪೂರ್ಣಗೊಳಿಸದ ಹಿನ್ನೆಲೆಯಲ್ಲಿ ಹೋರಾಟ ಅನಿವಾರ್ಯ ಎಂದರು.
ನಮ್ಮ ಸಂಘದ ಸದಸ್ಯರು ನಮ್ಮ ಸಮುದಾಯದ ಮೇಲೆ ಪ್ರಭಾವ ಬೀರುವ ಪ್ರಮುಖ ಸಮಸ್ಯೆಗಳ ಪರಿಹಾರಕ್ಕಾಗಿ ದೀರ್ಘಕಾಲದಿಂದ ಪ್ರಾಮಾಣಿಕವಾಗಿ ಪ್ರತಿನಿಧಿಸಲು ಪ್ರಯತ್ನಿಸುತ್ತಿದ್ದೇವೆ. ಇದರಲ್ಲಿ ಅನಾನುಕೂಲತೆಗಳು ಸೇರಿವೆ. ಆದರೆ, ಸಂಬಂಧಿತ ಪ್ರಾಧಿಕಾರಿಗಳಾದ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ನಮ್ಮ ಸಂಘದ ಬೇಡಿಕೆಗಳನ್ನು ಬಗೆಹರಿಸಲು ವಿಫಲವಾಗಿದೆ. ಅಲ್ಲದೆ ನಮ್ಮ ಸಮಸ್ಯೆಗೆ ಸರಿಯಾಗಿ ಗಂಭೀರವಾಗಿ ಪರಿಗಣಿಸಿರುವುದಿಲ್ಲ ಯಾವುದೇ ತೃಪ್ತಿಕರ ಪರಿಹಾರವನ್ನು ನೀಡಲು ವಿಫಲವಾಗಿದ್ದಾರೆ ಎಂದು ಆಗ್ರಹಿಸಿದರು.
ಸಂಘದಿಂದ ಸರ್ಕಾರಕ್ಕೆ ನೆಸಿರುವ ಬೇಡಿಕೆಗಳು :
1. ಗುತ್ತಿಗೆಯಲ್ಲಿ ದುಡಿಯುತ್ತಿರುವ ನಮ್ಮ “ಸೇವೆಯನ್ನು ಖಾಯಂ” ಮಾಡಬೇಕು.
2. ಸುಪ್ರಿಂ ಕೋಟ್ ೯ನ ಆದೇಶದಂತೆ “ಸಮಾನ ಕೆಲಸಕ್ಕೆ ಸಮಾನ ವೇತನ” ನಿಗಧಿಪಡಿಸಬೆಕು. [ಕನಿಷ್ಟ ಪಕ್ಷ ವೈದ್ಯಕೀಯ ಶಿಕ್ಷಣ ಇಲಾಖೆಯಲ್ಲಿ ಗುತ್ತಿಗೆ ಶುಕ್ರೂಷಾಧಿಕಾರಿಗಳಿಗೆ ಮೂಲ ವೇತನ ಕೊಟ್ಟಂತೆ ನಮಿಗೂ ನಿಗದಿಪಡಿಸಬೇಕು.
3. ಮುಂಬರುವ ವಿಶೇಷ ನೇರ ನೇಮಕಾತಿಯಲ್ಲಿ ಜೇಷ್ಠತೆಯ ಆಧಾರದ ಮೇಲೆ ಕೃಪಾಂಕ ಮತ್ತು ವಯೋಮಿತಿ ಸಡಲಿಕೆಯನ್ನು ನೀಡಬೇಕು.
4. ಜಿಲ್ಲೆ ಯಿಂದ ಜಿಲ್ಲೆಗೆ ವರ್ಗವಣೆ ನೀಡಬೇಕು.
ಮೇಲಿನ ಬೇಡಿಕೆಗಳು ಇದುವರೆವಿಗೂ ಪೂರ್ಣಗೋಳಿಸಿದ ಕಾರಣ ನಮ್ಮ ಧ್ವನಿಯನ್ನು ಪ್ರೇರೆಪಿಸಲು ನಾವು ಎಲ್ಲಾ ರೀತಿಯ ಮನವಿಗಳನ್ನು ಮತ್ತು ಇತರೆ ಮಾರ್ಗಗಳನ್ನು ಮುಗಿಸಿದ್ದೇವೆ. ಸಮಯವು ಕೊನೆಗೊಳ್ಳುತ್ತಿರುವುದರಿಂದ ನಮ್ಮ ಸಂಘವು ಹೋರಾಟದ ದಾರಿಯನ್ನು ಮಾಡಲೇಬೇಕಾದ ಅನಿವಾರ್ಯತೆ ಇದ್ದು ಅಂತಿಮ ನಿರ್ಧಾರವಾಗಿದೆ.
ಫೆ:-24ರಂದು ಶಾಂತಿಯುತ ಹೋರಟವನ್ನು ಫ್ರೀಡಂಪಾರ್ಕ್‌ನಲ್ಲಿ ಪ್ರತಿಭಟನೆಯನ್ನು ಆರಂಭಿಸುತ್ತೀದ್ದೇವೆ. ಈ ಹೋರಾಟವು ಕೇವಲ ಪ್ರತಿಭಟನೆ ಮಾತ್ರವಲ್ಲ ಇದು ನಮ್ಮ ಹಕ್ಕುಗಳನ್ನು ಮಾನ್ಯವಾಗಿಸುವ ವರೆಗೂ ಹೋರಾಡುತ್ತೇವೆ ಎಂದು ಸರ್ಕಾರಕ್ಕೆ ಕರೆ ನೀಡಿದರು.
ಪತ್ರಿಕಾಗೋಷ್ಠಿಯಲ್ಲಿ ಸಂಘದ ಪ್ರಧಾನ ಕಾರ್ಯದರ್ಶಿ ಸೌಮ್ಯ ಶ್ರೀ.ಕೆ. ಯುವರಾಜು, ಖಜಾಂಚಿ ರಜನಿ, ಸಹ ಕಾರ್ಯದರ್ಶಿ ವಿನೋದ, ಸಂಘಟನಾ ಕಾರ್ಯದರ್ಶಿ ಮಂಜುನಾಥ, ಸಂಚಾಲಕರಾದ ರಘುನಾಥ್, ಸೇರಿದಂತೆ ಸಂಘದ ಇತರ ಪದಾಧಿಕಾರಿಗಳು ಭಾಗವಹಿಸಿದ್ದರು.