ಆಕಾಶದಲ್ಲಿ ಕಾಮನಬಿಲ್ಲು ಕಾಣುವುದು ಒಂದು ಬೆಳಕಿನ ಆಟ.

ಮಳೆ ಬಂದಾಗ ಗಾಳಿಯಲ್ಲಿ ಸಾವಿರಾರು ಸಣ್ಣ ನೀರಿನ ಹನಿಗಳು ಇರುತ್ತವೆ. ಸೂರ್ಯನ ಬೆಳಕು ಆ ಹನಿಗಳ ಒಳಗೆ ಹೋದಾಗ ಆಕಾಶದಲ್ಲಿ ಬೆಳಕಿನ ಚಮತ್ಕಾರ ನಡೆಯುತ್ತದೆ ಅದುವೇ ಕಾಮನಬಿಲ್ಲಿನ ರೂಪದಲ್ಲಿ ಏಳು ಬಣ್ಣಗಳಾಗಿ ಗೋಚರವಾಗುತ್ತದೆ.

 ಕಾಮನಬಿಲ್ಲು ನಿಜವಾಗಿಯೂ ಆಕಾಶದಲ್ಲಿ ಇರುವುದೇ ಇಲ್ಲ, ಅದು ಒಂದು ಬೆಳಕಿನ ಮಾಯಾಜಾಲ!

*ರಹಸ್ಯ ಏನು ಗೊತ್ತಾ?*

1. ಸೂರ್ಯ + ಮಳೆ ಹನಿಗಳು = ಕಾಮನಬಿಲ್ಲು, ಸೂರ್ಯನ ಬೆಳಕು ಬಿಳಿಯಾಗಿ ಕಂಡರೂ, ಅದರಲ್ಲಿ 7 ಬಣ್ಣಗಳು ಅಡಗಿವೆ. ಮಳೆ ಬಂದಾಗ ಗಾಳಿಯಲ್ಲಿ ಸಣ್ಣ ನೀರಿನ ಹನಿಗಳು ತೇಲುತ್ತಿರುತ್ತವೆ. ಆ ಹನಿಗಳು ಸಣ್ಣ ಪ್ರಿಸ್ಮ್ ತರಹ ಕೆಲಸ ಮಾಡುತ್ತವೆ.

2. ಮೂರು ಹಂತದಲ್ಲಿ ಬಣ್ಣ ಬೇರ್ಪಡುತ್ತದೆ:
- ವಕ್ರೀಭವನ (Refraction): ಬೆಳಕು ನೀರಿನ ಹನಿಯೊಳಗೆ ಹೋಗುವಾಗ ಬಾಗುತ್ತದೆ
- ಪ್ರತಿಫಲನ (Reflection):* ಹನಿಯ ಒಳಗಿನ ಗೋಡೆಗೆ ತಾಗಿ ಹಿಂದಕ್ಕೆ ಬರುತ್ತದೆ  
- ಮತ್ತೆ ವಕ್ರೀಭವನ: ಹೊರಗೆ ಬರುವಾಗ ಮತ್ತೆ ಬಾಗುತ್ತದೆ, ಆಗ ಬಿಳಿ ಬೆಳಕು 7 ಬಣ್ಣಗಳಾಗಿ ಒಡೆಯುತ್ತದೆ - ಅದೇ VIBGYOR.

3. ನೀವು ನೋಡುವ ಕಾಮನಬಿಲ್ಲು ನಿಮಗಾಗಿ ಮಾತ್ರ!
ಪಕ್ಕದಲ್ಲಿ ನಿಂತಿರುವ ವ್ಯಕ್ತಿ ನೋಡುವ ಕಾಮನಬಿಲ್ಲು ಬೇರೆ ಹನಿಗಳಿಂದ ಮಾಡಲ್ಪಟ್ಟಿದೆ. ಪ್ರತಿ ವ್ಯಕ್ತಿಗೆ ತನ್ನದೇ ಆದ ವೈಯಕ್ತಿಕ ಕಾಮನಬಿಲ್ಲು ಇರುತ್ತದೆ. ಅದಕ್ಕೆ ನೀವು ಅದರ ಬಳಿ ಹೋಗಲು ಆಗುವುದಿಲ್ಲ.

ಕೆಲವು ಆಸಕ್ತಿಕರ ಸಂಗತಿಗಳು:

- ಕಾಮನಬಿಲ್ಲು ಯಾವಾಗಲೂ ಸೂರ್ಯನಿಗೆ ವಿರುದ್ಧ ದಿಕ್ಕಿನಲ್ಲಿ ಕಾಣುತ್ತದೆ. ಸೂರ್ಯ ನಿಮ್ಮ ಬೆನ್ನ ಹಿಂದೆ ಇದ್ದರೆ ಮಾತ್ರ ಕಾಣುತ್ತದೆ.
- ಅದರ ಕೋನ ಯಾವಾಗಲೂ 42 ಡಿಗ್ರಿ. ಅದಕ್ಕಿಂತ ಮೇಲೆ ಸೂರ್ಯ ಇದ್ದರೆ ಕಾಮನಬಿಲ್ಲು ಕಾಣುವುದೇ ಇಲ್ಲ.
- ಕೆಲವೊಮ್ಮೆ ಎರಡು ಕಾಮನಬಿಲ್ಲು ಕಾಣುತ್ತದೆ, ಎರಡನೆಯದರಲ್ಲಿ ಬಣ್ಣಗಳು ಉಲ್ಟಾ ಇರುತ್ತವೆ.
- ಚಂದ್ರನ ಬೆಳಕಿನಿಂದಲೂ ಕಾಮನಬಿಲ್ಲು ಬರಬಹುದು, ಅದನ್ನು Moonbow ಅಂತಾರೆ, ಅದು ಬಿಳಿಯಾಗಿ ಕಾಣುತ್ತದೆ.

ಅದಕ್ಕೆ ಸಂಜೆ ಮಳೆ ಬಂದು ಬಿಸಿಲು ಬಂದಾಗ, ಸೂರ್ಯನಿಗೆ ಬೆನ್ನು ಮಾಡಿ ನೋಡಿದರೆ ಕಾಮನಬಿಲ್ಲು ಖಚಿತವಾಗಿ ಸಿಗುತ್ತದೆ.

ಹೀಗೆ ಮಳೆ ಹನಿಗಳು ಹಾಗೂ ಸೂರ್ಯನ ಕಿರಣಗಳು ಒಟ್ಟುಗೆ ಬಿದ್ದಾಗ ಏಳು ಬಣ್ಣಗಳಾಗಿ ಗೆರೆ ರೂಪದಲ್ಲಿ ಕಾಣುವುದೇ ಕಾಮನಬಿಲ್ಲು ಇದಾಗಿದ್ದು ನೋಡುಗರಿಗೆ ಒಂದು ರೀತಿಯಲ್ಲಿ ಕೌತುಕದ ವಿಚಾರವಾಗಿದ್ದರೂ ವೈಜ್ಞಾನಿಕವಾಗಿ ಬೇರೆದೇ ಆದಂತಹ ವಿಚಾರ ಇದೆ.

ಪ್ರಾಯೋಗಿಕವಾಗಿ ಕಾಮನಬಿಲ್ಲು ಯಾರಾದರೂ ಗಮನಿಸಿದರೆ ಗೋಚರವಾದ ನಿಂದ ಹಿಡಿದು ಕೇವಲ  30- 35 ನಿಮಿಷಗಳವರೆಗೆ ಕಂಡು ಅದು ಹಾಗೆ ತನ್ನ ಬಣ್ಣಗಳನ್ನು ಕಳಚಿಕೊಳ್ಳುತ್ತಾ ನಿಷ್ಕ್ರಿಯ ವಾಗುತ್ತದೆ. ಬಣ್ಣಗಳು ಬ್ಲರ್ ಆಕಾರದಲ್ಲಿ ತಿರುಗಿ ಆಕಾಶದಲ್ಲಿ ಹಾಗೂ ಮೋಡಗಳ ಮಧ್ಯೆ ಲೀನವಾಗಿ ಹೋಗುತ್ತದೆ.

ಆಕಾಶದಲ್ಲಿ ಕಾಮನ್ನ ಬಿಲ್ಲು ಬಣ್ಣಗಳನ್ನು ನೋಡುವುದೇ ಒಂದು ಚಮತ್ಕಾರ ಅದರಲ್ಲೂ ಸಹ ಮಕ್ಕಳಿಗೆ ಈ ಒಂದು ಕಾಮನಬಿಲ್ಲು ಅಂದರೆ ತೋರಿಸಿದಾಗ ಅವರ ಮನಸ್ಸಿನಲ್ಲಿ ಆಗುವ ಉತ್ಕರ್ಷ ಹಾಗೂ ಆಟಾಟೋಗಳೇ ರೋಮಾಂಚನಕಾರಿಯಾಗಿರುತ್ತದೆ ಅದು ಮಕ್ಕಳಿಗೆ ಬಹಳಷ್ಟು ಇಷ್ಟವಾದಂತ ಸಂಗತಿಯಾಗಿದೆ ವೈಜ್ಞಾನಿಕವಾಗಿಯೂ ಸಹ ಸಾಕಷ್ಟು ವಿಚಾರ ವಿನಿಮಯಗಳು ಗೋಚರವಾಗುತ್ತವೆ. ಇದನ್ನು ವಿಜ್ಞಾನಿಗಳೆ ಬೇರೆ ರೂಪದಲ್ಲಿ ನಾನಾರ್ಥಗಳನ್ನು ಕೊಡುವ ಒಂದು ಆಲೋಚನೆ ಸಹ ಇದೆ. ಬಹಳಷ್ಟು ಜನರಿಗೆ ಕಾಮನಬಿಲ್ಲಿನ ರಹಸ್ಯ ತಿಳಿದುಬಂದಿಲ್ಲ ಇದು ಎಲ್ಲಾ ಕಡೆಗೂ ಸಹ ಮಳೆ ಬಂದ ತಕ್ಷಣ ಆಕಾಶದಲ್ಲಿ  ಮೂಡಿಬರುವಂತಹ ಒಂದು ವಿಶೇಷವಾದಂತಹ ಬಣ್ಣದ ಚಮತ್ಕಾರವಾಗಿದೆ.