ಬೆಂಗಳೂರು: ಜೆಸಿ ರಸ್ತೆಯ ಮೈಶುಗರ್ ಕಟ್ಟಡದಲ್ಲಿರುವ ರೇಷ್ಮೆ ಕೃಷಿ ಜಂಟಿ ನಿರ್ದೇಶಕರ ಕಚೇರಿಯ ವಿಭಾಗದಲ್ಲಿ ಸರಳವಾಗಿ ದಸರ ಹಬ್ಬದ ಪೂಜೆಯನ್ನು ಮಾಡಲಾಯಿತು. 
(ರೇಷ್ಮೆ ಕೃಷಿ)ಇಲಾಖೆಯ ಜಂಟಿ ನಿರ್ದೇಶಕರಾದ ಕೆ ಎನ್ ರವಿ ಅವರು ಕಳೆದ ಒಂದು ತಿಂಗಳ ಹಿಂದೆ ವರ್ಗವಾಗಿದ್ದು ಇಲಾಖೆಯನ್ನು ಉತ್ತಮದತ್ತ ಕೊಂಡೊಯ್ಯಲು ಎಲ್ಲಾರೀತಿಯ ಸಹಕಾರ ನೀಡಲಾಗುತ್ತದೆ ಎಂದರು.
ಕೃಷಿಯಲ್ಲಿ ಕೆಲಸ ಮಾಡಯವ ರೈತಾಪಿ ವರ್ಗದವರಿಗೆ ಉತ್ತಮ ಮಳೆ,ಬೆಳೆಯಾಗಿ, ಅನ್ನದಾತರ ಸಂಕಷ್ಟು ದೂರವಾಗಲಿ, ವಿವಿಧ ಯೋಜನೆಗಳನ್ನು ರೈತರಿಗೆ ತಲುಪಿಸುವ ಕೆಲಸ ಮಾಡಲಾಗುತ್ತದೆ. ರೇಷ್ಮೆ ಬೆಳೆಯುವ ರೈತರು ಹೆಚ್ಚಾಗುತ್ತಿದ್ದು, ರೇಷ್ಮೆ ಬೆಳೆಗೆ ಉತ್ತಮ ಬೆಂಬಲ ಬೆಲೆ ನೀಡಲಾಗುತ್ತಿದೆ, ರೈತರ ಜೀವನ ಹಸನಾಗಲಿ ಎಂದು ಶುಭಹಾರೈಸಿದರು.
ರೇಷ್ಮೆ ಕೃಷಿ ವಿಭಾಗದ (ರೇಷ್ಮೆ ಕೃಷಿ)ಯ ಜಂಟಿ ನಿರ್ದೇಶಕರಾದ ಇಂದ್ರಾಣಿ ಮಾತನಾಡಿ, ರಾಜ್ಯದಲ್ಲಿ ಮಳೆ ಬೆಳೆ ಕೊರತೆಯಿದ್ದು, ರೈತರಿಗೆ ಶುಭವಾಗಲಿ, ಅವರ ಬೆಳೆಗಳಿಗೆ ಉತ್ತಮ ಬೆಂಬಲ ನೀಡಲಿ. ಅದರಲ್ಲಿಯೂ ರೇಷ್ಮೆ ಬೆಳೆ ರಾಜ್ಯದಲ್ಲಿ ಉತ್ತಮವಾಗಿ ಬರುತ್ತಿದ್ದು, ಅವರ ಸಂಕಷ್ಟಗಳಿಗೆ ಇಲಾಖೆಯು ಸದಾ ನೆರವಾಗುತ್ತದೆ ಎಂದರು. 
ರೈತರಿಗೆ ಹೆಚ್ಚು ಲಾಭತರುವ ಯೋಜನೆಗಳನ್ನು ಹಾಕಿಕೊಂಡು, ಅದರಲ್ಲೂ ರೇಷ್ಮೆ ಬೆಳೆಯುವ ಜನರಿಗೆ ಹೆಚ್ಚಿನ ಒತ್ತು ನೀಡುವ ಕೆಲಸ ಮಾಡಲಾಗುತ್ತದೆ. ರೇಷ್ಮೆಗೆ ಹಾಗೂ ಉಳಗಳಿಗೆ ರೋಗಭಾರದಿರಲು ಅನೇಕ ರೋಗ ನಿರೋಧಕ ಔಷಧಿಗಳನ್ನು ಮಾರುಕಟ್ಟೆಗೆ ಬಿಡಲಾಗಿದೆ. ಲಾಭದಾಯಕ ರೇಷ್ಮೆಯನ್ನು ಹೆಚ್ಚಿನದಾಗಿ ಬೆಳೆದು ಪ್ರಗತಿಪರ ರೈತನಾಗಬೇಕೆಂದು ಕರೆ ನೀಡಿದರು.
ಇನ್ನು ದಸರಾ ಪೂಜಾ ಕಾರ್ಯಕ್ರಮದಲ್ಲಿ ಚೇತನ್ , ಮಾಲ್ತೇಶ್, ಸೇರಿದಂತೆ ಸಹಾಯಕ ಅಧಿಕಾರಿಗಳು, ಪ್ರಭಾರಿಗಳು, ಸೇರಿದಂತೆ ಇಲಾಖೆಯ ಉದ್ಯೊಗಿಗಳು ಉಪಸ್ಥಿತರಿದ್ದರು.
